തൃശൂർ: അതിരപ്പിള്ളി തുമ്പൂർമുഴി വനത്തിൽ യുവതിയെ കൊല്ലപ്പെട്ട നിലയിൽ കണ്ടെത്തി. അങ്കമാലി പാറക്കടവ് സ്വദേശി സനലിന്റെ ഭാര്യ ആതിര (26) ആണ് കൊല്ലപ്പെട്ടത്. സൂപ്പർമാർക്കറ്റിലെ സെയിൽസ് ഗേൾ ആണ് ആതിര.
യുവതിയെ ഇന്നലെ മുതൽ കാണാതായിരുന്നു. തുടർന്ന് കാലടി പൊലീസിന്റെ അന്വേഷണത്തിനിടെയാണ് ആതിരയുടെ സുഹൃത്ത് അഖിൽ കുറ്റസമ്മതം നടത്തിയത്.
ഷാൾ ഉപയോഗിച്ച് കഴുത്ത് ഞെരിച്ച് കൊല്ലുകയായിരുന്നുവെന്ന് അഖിൽ പറഞ്ഞു. പ്രതി കടം വാങ്ങിയ തുക ആതിര തിരിച്ചു ചോദിച്ചിരുന്നു. ഇതേ തുടർന്ന് ആതിരയെ ഒഴിവാക്കാനായിരുന്നു കൊലപാതകം.
