തൃശ്ശൂർ : ജില്ലയില്‍ തദ്ദേശ തിരഞ്ഞെടുപ്പ് ജോലികള്‍ നിര്‍വഹിക്കുന്ന പോളിങ് ഉദ്യോഗസ്ഥര്‍ക്ക് വേണ്ടി കോ വിഡ് പ്രതിരോധത്തിനായുള്ള കിറ്റുകൾ എത്തി. 3331 പോളിങ് ബൂത്തുകളിലേക്കുള്ള കിറ്റുകളാണ് എത്തിയത്. കിറ്റുകളിൽ മാസ്‌ക്, ഗ്ലൗസ്, ഫേസ് ഷീല്‍ഡ് തുടങ്ങിയവയാണ് കിറ്റില്‍ ഉള്‍പ്പെടുന്നത്. വെള്ളിയാഴ്ച (27.11.2020) രാവിലെ മുതല്‍ കിറ്റുകള്‍ വിതരണം ചെയ്യുമെന്ന് പഞ്ചായത്ത് ഡെപ്യൂട്ടി ഡയറക്ടര്‍ എ വി അബ്ദുല്‍ ലത്തീഫ് അറിയിച്ചു .
ഒരു ബാഗില്‍ 20 കിറ്റുകള്‍ ഉണ്ടാകും. ഇത് പഞ്ചായത്ത് ഡെപ്യൂട്ടി ഡയറക്ടര്‍ ഓഫീസിന്റെ നേതൃത്വത്തില്‍ കലക്ടറേറ്റിനോടു ചേര്‍ന്ന കോസ്റ്റ് ഫോര്‍ഡില്‍ സൂക്ഷിച്ചിട്ടുണ്ട്. കഴിഞ്ഞ ദിവസം സ്റ്റേറ്റ് ഇലക്ഷന്‍ കമ്മീഷന്‍ എത്തിച്ച പോസ്റ്റല്‍ ബാലറ്റുകള്‍, വിവിധ കവറുകള്‍, സാനിറ്റൈസര്‍ എന്നിവയും പഞ്ചായത്ത് ഡെപ്യൂട്ടി ഡയറക്ടറുടെ കാര്യാലയത്തില്‍ സൂക്ഷിച്ചിട്ടുണ്ട്.
