തൃശൂർ: ജില്ലയിലെ 1208 പേർക്ക് കൂടി ശനിയാഴ്ച (ഒക്ടോബർ 10) കോ വിഡ്-19 സ്ഥിരീകരിച്ചു. ജില്ലയിൽ ഇതുവരെ റിപ്പോർട്ട് ചെയ്ത ഏറ്റവും ഉയർന്ന കണക്കാണിത്. ശനിയാഴ്ച 510 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 8929 ആണ്. തൃശൂർ സ്വദേശികളായ 123 പേർ മറ്റു ജില്ലകളിലെ ആശുപത്രികളിൽ ചികിത്സയിൽ കഴിയുന്നു. ജില്ലയിൽ ഇതുവരെ കോവിഡ് സ്ഥിരീകരിച്ചവരുടെ എണ്ണം 21118 ആണ്.
അസുഖ ബാധിതരായ 12029 പേരെയാണ് ആകെ രോഗമുക്തരായി ആശുപത്രികളിൽനിന്ന് ഡിസ്ചാർജ് ചെയ്തത്. ശനിയാഴ്ച ജില്ലയിൽ സമ്പർക്കം വഴി 1199 പേർക്കാണ് കോ വിഡ് സ്ഥിരീകരിച്ചത്. ഇതിൽ 12 കേസുകളുടെ ഉറവിടം അറിയില്ല. ജില്ലയിൽ 16 സമ്പർക്ക ക്ലസ്റ്ററുകൾ വഴി വ്യാഴാഴ്ച കോവിഡ് റിപ്പോർട്ട് ചെയ്തു. ക്ലസ്റ്ററുകൾ: ജൂബിലി മിഷൻ ഹോസ്പിറ്റൽ ക്ലസ്റ്റർ (4 ആരോഗ്യ പ്രവർത്തകർ ഉൾപ്പെടെ) 9,
കുന്നംകുളം യൂനിയൻ ക്ലസ്റ്റർ 8, ശക്തൻ മാർക്കറ്റ് ക്ലസ്റ്റർ 5, വൈമാൾ തൃപ്രയാർ ക്ലസ്റ്റർ 5, കുന്നംകുളം മാർക്കറ്റ് ക്ലസ്റ്റർ 4, മെഡിക്കൽ കോളജ് ഹോസ്പിറ്റൽ ക്ലസ്റ്റർ (ആരോഗ്യപ്രവർത്തകർ) 3, ജോൺസ് ഹോണ്ട ഇരിങ്ങാലക്കുട ക്ലസ്റ്റർ 2, കണ്ടശ്ശാംകടവ് മാർക്കറ്റ് ക്ലസ്റ്റർ 2, അൽ അമീൻ ഹോസ്പിറ്റൽ ക്ലസ്റ്റർ 2, ദയ ഹോസ്പിറ്റൽ ക്ലസ്റ്റർ 1, എലൈറ്റ് ഹോസ്പിറ്റൽ ക്ലസ്റ്റർ 1, വെസ്റ്റ് ഫോർട്ട് ഹോസ്പിറ്റൽ ക്ലസ്റ്റർ (ആരോഗ്യ പ്രവർത്തകർ) 1, ഐ.സി.ഐ.സിഐ ബാങ്ക് ക്ലസ്റ്റർ 1, വലപ്പാട് മണപ്പുറം ക്ലസ്റ്റർ 1, ഒല്ലൂർ യൂനിയൻ ക്ലസ്റ്റർ 1, യു.എൽ. സി.എസ്.എസ് ഗുരുവായൂർ ക്ലസ്റ്റർ 1.
മറ്റ് സമ്പർക്ക കേസുകൾ 1125. കൂടാതെ 10 ആരോഗ്യ പ്രവർത്തകർക്കും 5 ഫ്രൻറ് ലൈൻ വർക്കർമാർക്കും മറ്റ് സംസ്ഥാനങ്ങളിൽ നിന്ന് വന്ന 7 പേർക്കും വിദേശത്തുനിന്ന് വന്ന 2 പേർക്കും കോ വിഡ് സ്ഥിരീകരിച്ചു. രോഗികളിൽ 60 വയസ്സിന് മുകളിൽ 82 പുരുഷൻമാരും 68 സ്ത്രീകളും 10 വയസ്സിന് താഴെ 46 ആൺകുട്ടികളും 50 പെൺകുട്ടികളും ഉൾപ്പെടുന്നു.
തൃശ്ശൂർ ജില്ലയിലെ ഇന്നത്തെ (10-10-2020) എല്ലാ കോവിഡ് ബാധിതരുടെയും സ്ഥല വിവരങ്ങൾ…
