തൃശൂർ ജില്ലയിൽ തിങ്കളാഴ്ച (28-9-2020) 383 പേർക്ക് കൂടി കോ വിഡ്-19 സ്ഥീരികരിച്ചു. 240 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 4251 ആണ്. തൃശൂർ സ്വദേശികളായ 125 പേർ മറ്റു ജില്ലകളിലെ ആശുപത്രികളിലുണ്ട്. ജില്ലയിൽ ഇതുവരെ കോ വിഡ് സ്ഥിരീകരിച്ചവരുടെ എണ്ണം 12348 ആണ്. അസുഖബാധിതരായ 7599 പേരെയാണ് ആകെ രോഗമുക്തരായി ആശുപത്രിയി ൽ നിന്നും ഡിസ്ചാർജ് ചെയ്തത്. തിങ്കളാഴ്ച ജില്ലയിൽ സമ്പർക്കം വഴി 365 പേർക്കാണ് രോഗം സ്ഥിരീകരിച്ചത്. ഇതിൽ 6 കേസുകളുടെ ഉറവിടം അറിയില്ല.
സമ്പർക്ക ക്ലസ്റ്ററുകൾ ഇവയാണ്: ജൂബിലി മിഷൻ മെഡിക്കൽ കോളജ് ഹോസ്പിറ്റൽ ക്ലസ്റ്റർ (2 ആരോഗ്യ പ്രവർത്തകർ ഉൾപ്പെടെ) 3, ബി.ആർ.ഡി കുന്നംകുളം ക്ലസ്റ്റർ 2, ജനറൽ ഹോസ്പിറ്റൽ തൃശൂർ ക്ലസ്റ്റർ (ആരോഗ്യ പ്രവർത്തകർ) 1, മലങ്കര ഹോസ്പിറ്റൽ കുന്നംകുളം ക്ലസ്റ്റർ 1, മെഡിക്കൽ കോളജ് ക്ലസ്റ്റർ 1, സീതാറാം കൊട്ടേക്കാട് ക്ലസ്റ്റർ 1. മറ്റ് സമ്പർക്ക കേസുകൾ 342. കൂടാതെ 7 ആരോഗ്യ പ്രവർത്തകർക്കും ഒരു ഫ്രൻറ്‌ലൈൻ വർക്കർക്കും വിദേശത്തുനിന്ന് വന്ന 10 പേർക്കും മറ്റ് സംസ്ഥാനങ്ങളിൽനിന്ന് വന്ന 8 പേർക്കും കോ വിഡ് സ്ഥിരീകരിച്ചു. രോഗികളിൽ 60 വയസ്സിന് മുകളിൽ 31 പുരുഷൻമാരും 21 സ്ത്രീകളും 10 വയസ്സിന് താഴെ 12 ആൺകുട്ടികളും 11 പെൺകുട്ടിക ളുമുണ്ട്.
