ഇന്ന് കേരളത്തില് 49 പേര്ക്ക് കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. കാസര്ഗോഡ് ജില്ലയില് നിന്നുള്ള 14 പേര്ക്കും കണ്ണൂര് ജില്ലയില് നിന്നുള്ള 10 പേര്ക്കും, തിരുവനന്തപുരം, പാലക്കാട് ജില്ലകളില് നിന്നുള്ള 5 പേര്ക്ക് വീതവും കോഴിക്കോട് ജില്ലയില് നിന്നുള്ള 4 പേര്ക്കും പത്തനംതിട്ട, ആലപ്പുഴ ജില്ലകളില് നിന്നുള്ള 3 പേര്ക്ക് വീതവും കൊല്ലം, കോട്ടയം ജില്ലകളില് നിന്നുള്ള 2 പേര്ക്ക് വീതവും ഇടുക്കി ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്.
18 പേര് വിദേശത്ത് നിന്നും 25 പേര് സംസ്ഥാനത്തിന് പുറത്ത് നിന്നും വന്നതാണ്. 6 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഇതില് കണ്ണൂര് ജില്ലയിലെ രണ്ട് പേര് റിമാന്റ് തടവുകാരാണ്. തിരുവനന്തപുരത്തെ ഒരാള് ആരോഗ്യ പ്രവര്ത്തകനാണ്.
അതേസമയം രോഗം സ്ഥിരീകരിച്ച് ചികിത്സയിലായിരുന്ന 12 പേരുടെ പരിശോധനാഫലം നെഗറ്റീവ് ആയിട്ടുണ്ട്. കാസര്ഗോഡ് ജില്ലയില് നിന്നുള്ള 6 പേരുടെയും കൊല്ലം ജില്ലയില് നിന്നുള്ള 2 പേരുടെയും എറണാകുളം, ഇടുക്കി, മലപ്പുറം, വയനാട് ജില്ലകളില് നിന്നുള്ള ഒരാളുടെ വീതവും പരിശോധനാഫലമാണ് നെഗറ്റീവ് ആയത്. ഇതോടെ 359 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്.
532 പേര് ഇതുവരെ കോവിഡില് നിന്നും മുക്തി നേടി.കഴിഞ്ഞ 24 മണിക്കൂറിനുള്ളില് 1861 സാമ്പിളുകളാണ് പരിശോധിച്ചത്. ഇന്ന് 4 പ്രദേശങ്ങളെ കൂടി ഹോട്ട് സ്പോട്ടുകളാക്കി. കണ്ണൂര് ജില്ലയിലെ പിണറായി, പാലക്കാട് ജില്ലയിലെ പുതുശ്ശേരി, മലമ്പുഴ, ചാലിശ്ശേരി എന്നിവയാണ് പുതിയ ഹോട്ട് സ്പോട്ടുകള്. നിലവില് ആകെ 59 ഹോട്ട് സ്പോട്ടുകളാണ് ഉള്ളത്.
