തൃശൂര്: വാല്പ്പാറയില് വീടിന് മുറ്റത്ത് കളിച്ചുകൊണ്ടിരുന്ന നാലുവയസ്സുകാരിയെ പുലി കടിച്ചു കൊണ്ടു പോയി. ജാര്ഖണ്ഡ് സ്വദേശികളായ ദമ്പതികളുടെ മകള് രജനിയെയാണ് പുലി പിടിച്ച് കാട്ടിലേക്ക് കൊണ്ടു പോയത്. ഇന്ന് വൈകിട്ട് ആറ് മണിയോടെയാണ് സംഭവം. കുട്ടിയ്ക്കായുള്ള തിരച്ചില് തുടരുകയാണ്. പൊലീസും വനംവകുപ്പും ഫയര്ഫോഴ്സും നാട്ടുകാരും സ്ഥലത്തെത്തി. രക്ഷാ പ്രവര്ത്തനം പുരോഗമിക്കുകയാണ്. വാല്പ്പാറയില് പുലിയുടെ സാന്നിധ്യം പതിവാണ്.
