![rain-kanatha-mazhakk-sadhyatha-കനത്ത-മഴക്ക്-സാധ്യത](http://thrissurvartha.com/wp-content/uploads/2021/11/rain-kanatha-mazhakk-sadhyatha-കനത്ത-മഴക്ക്-സാധ്യത-696x364.jpg)
തെക്കൻ കേരളത്തിൽ ഇന്ന് ശക്തമായ മഴയ്ക്ക് സാധ്യതയെന്ന് കാലാവസ്ഥാ വകുപ്പിന്റെ മുന്നറിയിപ്പ്. മൂന്ന് ജില്ലകളിൽ യെല്ലോ അലേർട്ട് പ്രഖ്യാപിച്ചു. തിരുവനന്തപുരം, കൊല്ലം, ആലപ്പുഴ ജില്ലകളിലാണ് യെല്ലോ അലേർട്ട് പ്രഖ്യാപിച്ചിരിക്കുന്നത്.
മറ്റ് ജില്ലകളിൽ നേരിയ മഴയ്ക്കും സാധ്യതയുണ്ട്. ഇന്ന് വടക്ക് പടിഞ്ഞാറൻ ബംഗാൾ ഉൾക്കടലിൽ ചക്രവാത ചുഴി രൂപപ്പെടാൻ സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. അടുത്ത 48 മണിക്കൂറിനകം ഇത് ന്യൂനമർദമായി രൂപാന്തരം പ്രാപിക്കും. ഇതിന്റെ സ്വാധീന ഫലമായി ബുധനാഴ്ച വരെ സംസ്ഥാനത്ത് മഴ ഉണ്ടാകുമെന്നാണ് പ്രവചനം.