സംസ്ഥാന ബജറ്റിൽ നാട്ടിക നിയോജക മണ്ഡലത്തിലെ വിവിധ പദ്ധതികൾക്ക് 130 കോടി രൂപ വകയിരുത്തിയതായി സി.സി. മുകുന്ദൻ എംഎൽഎ അറിയിച്ചു. റോഡിൻ്റെ വികസനത്തിനും നവീകരണത്തിനും കുടുതൽ ഊന്നൽ നൽകിയിട്ടുണ്ടെന്നും എംഎൽഎ വ്യക്തമാക്കി. അന്തിക്കാട് ആധുനീക രീതിയിലുള്ള കമ്മ്യൂണിറ്റി ഹാൾ നിർമ്മിക്കുന്നതിന് 3 കോടി രൂപ വകയിരുത്തി.
വലപ്പാട് കോതകുളം മിനി ഹാർബർ നിർമ്മാണത്തിന് മുന്നോടിയായി ഇൻവസ്റ്റിഗേഷൻ നടത്തുന്നതിനായി 65 ലക്ഷം രൂപയും , തളിക്കുളം മുതൽ ചിലങ്ക ബീച്ച് വരെ പുലിമുട്ടുകൾ നിർമ്മിക്കുന്നതിന് 25 കോടി രൂപയും, തളിക്കുളം അറപ്പത്തോട് പാലം നിർമ്മിക്കുന്നതിന് 3 കോടി രൂപയും ,
പാറളം ഗ്രാമ പഞ്ചായത്ത് ഓഫീസ് കെട്ടിട നിർമ്മാണത്തിന് 3.5 കോടി രൂപയും, ശാസ്താം കടവ്- കോടന്നൂർ – ചാക്യാർ കടവ് ബിഎം ബി സി പ്രവൃത്തി ചെയ്യുന്നതിന് 7 കോടി രൂപയും , ചേർപ്പ് – ത്യപ്രയാർ റോഡിൽ കണ്ണോളി ക്ഷേത്രം മുതൽ ചിറക്കൽ പാലം വരെ റോഡ് ഉയർത്തിയുള്ള പുനരുദ്ധാരണ പ്രവൃത്തി ചെയ്യുന്നതിന് 3.5 കോടി രൂപയും , ചേർപ്പ് – തൃപ്രയാർ റോഡ് 4 / 500 മുതൽ 5/500 വരെയും 6/ 450 മുതൽ 13/900 വരെ ബിസി ഓവർലെ പ്രവൃത്തി ചെയ്യുന്നതിന് 4 കോടി രൂപയും ,
ചിറക്കൽ കൊറ്റം കോട് റോഡ് പുനരുദ്ധാരണ പ്രവൃത്തി ചെയ്യുനതിന് 68 ലക്ഷം രൂപയും , ചേനം – മുള്ളക്കര റോഡിൽ ചെയ്നേജ് 0 / 400 ലും ചെയ്നേജ് 2 / 500 ലും രണ്ട് പാലങ്ങളുടെ നിർമ്മാണത്തിന് 5.50 കോടി രൂപയും , കോടന്നൂർ കുണ്ടോളിക്കടവ് റോഡിന്റെ നിർമ്മാണത്തിന് 3 കോടി രൂപയും, കുണ്ടോളിക്കടവ് – പുള്ള റോഡ് ബി എം ബി സി പ്രവൃത്തി ചെയ്യുന്നതിന് 7 കോടി രൂപയും ,
തളിക്കുളം – നമ്പിക്കടവ് സ്നേഹതീരം റോഡ് ബിഎംബിസി പ്രവൃത്തി ചെയ്യുന്നതിന് 2.50 കോടി രൂപയും , പെരിങ്ങോട്ടുക്കര – കിഴുപ്പിളിക്കര – കരാഞ്ചിറ – അഴിമാവ് കടവ് റോഡ് ബിഎംബിസി പ്രവൃത്തി ചെയ്യുന്നതിന് 5 കോടി രൂപയും, തേവർ റോഡ് ബിഎംബി സി പ്രവൃത്തി ചെയ്യുന്നതിന് 4.50 കോടി രൂപയും ,
ആലപ്പാട് കമ്മ്യൂണിറ്റി ഹെൽത്ത് സെന്ററിൽ അഡ്മിനിസ്ട്രേറ്റീവ് ബ്ലോക്ക്ഫ്ലാറ്റ് ടൈപ്പ് ക്വാർട്ടേഴ്സ്, ഐ.പി ബ്ലോക്ക് , ലാബ് കെട്ടിടങ്ങളുടെ നിർമ്മാണം എന്നീ പ്രവൃത്തികൾക്കായി 10 കോടി രൂപയും , സി എച്ച് സി അന്തിക്കാടിന് പുതിയ ഐ.പി ബ്ലോക്ക് കെട്ടിട നിർമ്മാണത്തിന് 5 കോടി രൂപയും , വലപ്പാട് കോതകുളത്ത് സർദാർ ഗോപാലകൃഷ്ണൻ സ്മാരക സാംസ്ക്കാരിക സമുച്ഛയ നിർമ്മാണത്തിനായി 5 കോടി രൂപയും.
ചേർപ്പ് സി എച്ച് സി യിൽ പുതിയ അഡ്മിനിസ്ട്രേറ്റീവ് ബ്ലോക്ക് ഐ.പി ബ്ലോക്ക് , ഫ്ലാറ്റ് ടൈപ്പ് ക്വാർട്ടേഴ്സ് , ലാബ് എന്നിവയുടെ കെട്ടിട നിർമ്മാണത്തിന് 25 കോടി രൂപയും , അവിണിശ്ശേരി എറക്കത്താഴം പാലം നിർമ്മാണത്തിന് 2 കോടി രൂപയും വകയിരുത്തിയതായും സി സി മുകുന്ദൻ എം എൽ എ അറിയിച്ചു.
