തലപ്പിള്ളി താലൂക്കിൽ മുള്ളൂർക്കര വില്ലേജിൽ ആറ്റൂർ വാഴക്കോട് എന്ന സ്ഥലത്ത് ക്വാറിയിൽ സ്ഫോടനം. ഒരാൾ മരണപ്പെടുകയും ആളുകൾക് പരിക്കേൽക്കുകയും ചെയ്തിട്ടുണ്ട്. പാറ പൊട്ടിക്കാൻ ഉപയോഗിക്കുന്ന തോട്ടകൾ സൂക്ഷിച്ചത് പൊട്ടിത്തെറിച്ചാണ് അപകടം നടന്നത്. സമീപത്തെ ഏതാനും വീടുകൾക്ക് ഭാഗികമായ നഷ്ടം സംഭവിച്ചിട്ടുണ്ട് . സംഭവസ്ഥലത്ത് പോലീസും ഫയർഫോഴ്സും റവന്യൂ ഉദ്യോഗസ്ഥരും ഇപ്പോൾ ക്യാമ്പ് ചെയ്യുന്നു.
പാറ ഉടമയുടെ സഹോദരൻ അബ്ദുൽ നൗഷാദ് (45) ആണ് സ്‌ഫോടനത്തിൽ മരിച്ചത്. 5 പേർക്ക് ആണ് പരിക്ക്. ഇതിൽ ഒരാളുടെ നില ഗുരുതരം. പരിക്കേറ്റവരെ ദയ ജനറൽ ആശുപത്രിയിലും, ഒരാളെ അശ്വനി ഹോസ്പിറ്റലിലും പ്രവേശിപ്പിച്ചു. പരിക്കേറ്റവരിൽ ഒരാൾ ബംഗാൾ സ്വദേശിയാണ്.
