ഹരിത ചട്ടങ്ങള്‍ പാലിച്ചു കൊണ്ടുള്ള തദ്ദേശ സ്വയംഭരണ തിരഞ്ഞെടുപ്പില്‍ പരിസ്ഥിതി സൗഹാര്‍ദ്ദമായി കാര്യങ്ങള്‍ ആസൂത്രണം ചെയ്യണം. തിരഞ്ഞെടുപ്പ് പ്രവര്‍ത്തന ങ്ങളുടെ ഭാഗമായി രൂപപ്പെടാനിടയുള്ള മാലിന്യ ങ്ങളുടെ അളവ് പരമാവധി കുറക്കുകയും കഴിയുന്നിട ത്തോളം പ്രകൃതി സൗഹാര്‍ദ്ദ വസ്തുക്കള്‍ തെരഞ്ഞെടുപ്പുമായി ബന്ധപ്പെട്ട എല്ലാ ആവശ്യങ്ങള്‍ക്കും ഉപയോഗിക്കണം.
2020ലെ തദ്ദേശ സ്വയം ഭരണ തെരഞ്ഞെടുപ്പില്‍ പഞ്ചായത്തുകളിലും നഗരസഭ കളിലുമായി നിലവില്‍ 21900 വാര്‍ഡുകളാണുള്ളത്. ഇവിടങ്ങളില്‍ നിന്നായി പ്ലാസ്റ്റിക് ഉത്പന്നങ്ങളും ഡിസ്‌പോസിബിള്‍ വസ്തുക്കളും ഉപയോഗിക്കുമ്പോള്‍ ഉണ്ടാകാന്‍ സാധ്യതയുള്ള മാലിന്യത്തിന്റെ അളവ് 5776 ടണ്‍ വരും. ബാനറുകള്‍, കൊടിതോരണങ്ങള്‍, പ്ലാസ്റ്റിക്, കുപ്പിവെള്ളം, ഡിസ്‌പോസിബിള്‍ കപ്പുകള്‍, നിരോധിത പ്ലാസ്റ്റിക് കവറുകള്‍ എന്നിവ ഇതില്‍പ്പെടുന്നു. പ്രകൃതിക്ക് ദോഷകരമായ വസ്തുക്കള്‍ ഉപയോഗിക്കുന്ന ബോര്‍ഡുകള്‍ക്ക് നിരോധനമുണ്ട്.
കോട്ടണ്‍ തുണിയും പേപ്പറും ഉള്‍പ്പെടുന്ന മീഡിയം ഉപയോഗിച്ച് പ്രിന്റ് ചെയ്യുന്ന ബോര്‍ഡുകള്‍, കോട്ടണ്‍ തുണിയില്‍ എഴുതി തയ്യാറാക്കിയ ബോര്‍ഡുകള്‍, എന്നിവ ഇതിന് പകരമായി ഉപയോഗിക്കണം. കൂടാതെ ഓല, ഈറ, മുള, പനമ്പായ, പുല്‍പ്പായ, പാള തുടങ്ങിയ പ്രകൃതി സൗഹാര്‍ദ്ദ വസ്തുക്കളും ഉപയോഗിക്കാം.ഡിജിറ്റല്‍ ബോര്‍ഡുകളും സ്ഥാപിക്കാം ( പ്രത്യേക അനുമതിയുള്ള സ്ഥലങ്ങളില്‍) . തോരണ ങ്ങളും കൊടികളും നിര്‍മ്മിക്കുന്നതിന് പ്ലാസ്റ്റിക് കലർന്ന തുണി പൂർണ്ണമായും ഒഴിവാക്കണം. നോണ്‍ വൂവല്‍, പോളിപ്രൊപ്പലിന്‍ എന്നവസ്തു പ്ലാസ്റ്റിക്കാണ്. കണ്ടാല്‍ തുണി പോലെ തോന്നുമെങ്കിലും അവയും കർശനമായി നിരോധിച്ചിട്ടുണ്ട്.
