തൃശൂർ ജില്ലയിൽ വെളളിയാഴ്ച (18/09/2020) 326 പേർക്ക് കൂടി കോ വിഡ്-19 സ്ഥീരികരിച്ചു. 142 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 2553 ആണ്. തൃശൂർ സ്വദേശികളായ 45 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കോ വിഡ് സ്ഥീരികരിച്ചവരുടെ എണ്ണം 8009 ആണ്. 5376 പേരെയാണ് ആകെ രോഗ മുക്തരായി ആശുപത്രിയിൽ നിന്നും ഡിസ്ചാർജ്ജ് ചെയ്തത്.
ജില്ലയിൽ സമ്പർക്കം വഴി 319 പേർക്കാണ് രോഗം സ്ഥീരികരിച്ചത്. ഇതിൽ 5 പേരുടെ രോഗ ഉറവിടം അറിയില്ല. ക്ലസ്റ്ററുകൾ വഴിയുളള രോഗബാധ: കല്ല്യാൺ തൃശൂർ -2, എലൈറ്റ് ക്ലസ്റ്റർ- 2, ജൂബിലി തൃശൂർ ആരോഗ്യ പ്രവർത്തകർ -1, കെ.എം.ജെ -1, വാഴച്ചാൽ -2, മറ്റ് സമ്പർക്ക കേസുകൾ – 299. ആരോഗ്യ പ്രവർത്തകർ -7, വിദേശത്തുനിന്ന് എത്തിയവർ-2, മറ്റു സംസ്ഥാനങ്ങളിൽ നിന്ന് എത്തിയവർ-5 എന്നിവർക്കും കോവിഡ് സ്ഥീരികരിച്ചു. രോഗ ബാധിതരിൽ 60 വയസ്സിനു മുകളിൽ 23 പുരുഷൻമാരും 20 സ്ത്രീകളുമുണ്ട്. പത്ത് വയസ്സിനു താഴെ 12 ആൺ കുട്ടികളും 13 പെൺകുട്ടികളുമുണ്ട്.
