കയ്പമംഗലം- നിരോധിത വലകൾ ഉപയോഗിച്ച് കടൽ തീരത്തോടു ചേർന്ന് മീൻ പിടിത്തം നടത്തിയ 2 ബോട്ടുകൾ ഫിഷറീസ് മറൈൻ എൻഫോഴ്സ്മെന്റ് സംഘം പിടികൂടി. കയ്പമംഗലം കമ്പനിക്കടവ് ഫിഷ് ലാൻഡിങ് സെന്ററിന് പടിഞ്ഞാറ് ഭാഗത്ത് നിന്നാണ് അനധികൃതമായി കരയോടു ചേർന്ന് മത്സ്യബന്ധനം നടത്തിയ ബോട്ടുകൾ പിടിച്ചത്.
എറണാകുളം മുനമ്പം സ്വദേശി ശശി, കുഞ്ഞിത്തൈ വലിയാറ വീട്ടിൽ ചാർളി മെൻഡസ് എന്നിവരുടെ ഉടമസ്ഥതയിലുള്ള ട്രൈടൺ, എലോഹികാ എന്നീ പേരുകളിലുള്ള ബോട്ടുകളാണ് സംഘം പിടിച്ചെടുത്തത്. ബോട്ടിലുണ്ടായിരുന്ന മത്സ്യം മുനയ്ക്കക്കടവ് ഹാർബറിൽ പരസ്യ ലേലം ചെയ്ത 3,42,500 രൂപ സർക്കാരിലേക്ക് കണ്ടുകെട്ടി.
