ഷാർജ• മലയാളി ദമ്പതികൾ മണിക്കൂറിന്റെ ഇടവേളയിൽ അന്തരിച്ചു. ഷാർജയിൽ സ്വന്തമായി എയർ കണ്ടീഷണർ ഇൻസ്റ്റലേഷൻ സിസ്റ്റംസ് കമ്പനി നടത്തുന്ന തൃശൂർ ഇരിഞ്ഞാലക്കുട താണിശ്ശേരി സ്വദേശി ചെംബകശ്ശേരി ജേക്കബ് വിൻസന്റ്(64), ഭാര്യ ഡെയ്സി വിൻസന്റ്(63) എന്നിവരാണു ഷാർജയിൽ മരിച്ചത്.
ഇന്നലെ വൈകിട്ട് 5.25ന് ഹൃദയാഘാതം മൂലമായിരുന്നു ജേക്കബ് വിൻസന്റിന്റെ മരണം. ഇതു കഴിഞ്ഞ് വൈകിട്ട് 6.50ന് ഭാര്യ ഡെയ്സി വിൻസന്റ് ഹൃദയാഘാതം മൂലം മരിക്കുകയായിരുന്നു. ഇരുവരും ഷാർജ അൽ ഖാസിമി ആശുപത്രിയിലായിരുന്നു മരിച്ചത്.
മോർച്ചറിയിൽ സൂക്ഷിച്ചിട്ടുള്ള മൃതദേഹങ്ങൾ ഇന്ന് നാട്ടിലേയ്ക്ക് കൊണ്ടു പോകും. പിതാവ്- കുഞ്ഞാവര ജേക്കബ് . മാതാവ്: അന്നമ്മ. ആലൂക്കാരൻ ദേവസ്സി റപ്പായി–ബ്രജിത റപ്പായി ദമ്പതികളുടെ മകളാണ് പെരിങ്ങോട്ടുകര സ്വദേശിയായ ഡെയ്സി വിൻസന്റ്.
സമാനമായ സംഭവം കഴിഞ്ഞ ദിവസവും റിപ്പോർട്ട് ചെതിരുന്നു. തൃശ്ശൂർ പാവറട്ടി പണ്ടാറക്കാട് പുതുവീട്ടിൽ മുസ്തഫ(62 )യുടെ മരണവർത്തയറിഞ്ഞ അല്പസമയത്തിനകം ഭാര്യ റഫീദ(51)യും മരണപ്പെടുകയായിരുന്നു.
