തൃശ്ശൂര്: ഇരിങ്ങാലക്കുട കൂടല്മാണിക്യം ക്ഷേത്രത്തില് കലാകാരി മന്സിയക്ക് അവസരം നിഷേധിച്ച സംഭവത്തിന് പിന്നാലെ തന്ത്രി പ്രതിനിധി രാജിവെച്ചു. അഹിന്ദു ആയത് കൊണ്ടാണ് ക്ഷേത്ര മതില്ക്കെട്ടിന് അകത്ത് നടക്കുന്ന പരിപാടിയില് നിന്നും ഒഴിവാക്കേണ്ടി വന്നത് എന്നാണ് സംഘാടകരുടെ വിശദീകരണം.
ഭരണ സമിതിയില് നിന്നാണ് തന്ത്രി പ്രതിനിധി എന്.പി.പി നംഭൂതിരിപ്പാട് രാജിവെച്ചത്. മന്സിയക്ക് അവസരം നിഷേധിച്ചതില് ക്ഷേത്ര ഭരണസമിതിയില് തര്ക്കങ്ങളുണ്ടായിരുന്നു.
ഏപ്രില് 21ന് ആറാം ഉത്സവദിനത്തില് ഉച്ചക്കുശേഷം നാലുമുതല് അഞ്ചുവരെ ഭരതനാട്യം അവതരിപ്പിക്കാന് നോട്ടീസിലടക്കം പേര് അച്ചടിച്ച ശേഷമാണ് ക്ഷേത്ര ഭാരവാഹികള് മന്സിയക്ക് അവസരം നിഷേധിച്ചത്.
