തൃശൂർ പൂരത്തിനൊരുങ്ങുന്നു: പ്രദർശന നഗരിയുടെ കാൽനാട്ട്..

തൃശൂർ പൂരത്തോടനുബന്ധിച്ചുള്ള പ്രദർശനത്തിന്‍റെ കാൽനാട്ട് ഇന്ന് വെള്ളിയാഴ്ച രാവിലെ 11.15 ന്​ നടത്തുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. മെയ് 10നാണ് ഈ വർഷത്തെ തൃശൂർ പൂരം. ഏപ്രിൽ ആദ്യവാരമാണ്​ ഉദ്​ഘാടനം നടക്കുക. മേയ് 23നു സമാപിക്കും. 180 പവലിയനുകൾ​ ഈ വർഷം പ്രദർശന നഗരിയിലുണ്ട്​.

വൈകുന്നേരം ഓഡിറ്റോറിയത്തിൽ വിവിധ കലാപരിപാടികൾ അരങ്ങേറും. ടിക്കറ്റ്​ നിരക്ക്​ 30 രൂപയും പൂരദിവസങ്ങളിൽ 50 രൂപയുമാണ്​. പൂരം പ്രദർശന കമ്മിറ്റി ഭാരവാഹികളായ കെ. വിജയരാഘവൻ, കേരപ്പത്ത്​ വേണുഗോപാല മേനോൻ, ജി. രാജേഷ്​, കെ. ദിലീപ്​ കുമാർ, പി.ശശിധരൻ തുടങ്ങിയവർ വാർത്തസമ്മേളനത്തിൽ പ​ങ്കെടുത്തു.