സംസ്ഥാനത്തെ അങ്കണവാടികള് ഈ മാസം 14 മുതല് തുറന്നു പ്രവര്ത്തിക്കുമെന്ന് ആരോഗ്യമന്ത്രി വീണാ ജോര്ജ് അറിയിച്ചു. അങ്കണവാടികള് തുടര്ച്ചയായി അടച്ചിടുന്നത് കുട്ടികളുടെ മാനസികവും ശാരീരികവുമായ വളര്ച്ചയ്ക്ക് ദോഷം ചെയ്യും. ചെറിയ കുട്ടികളായതിനാല് അങ്കണവാടി ജീവനക്കാരും അവരെ കൊണ്ടുവിടുന്ന രക്ഷിതാക്കളും കര്ശനമായ മാര്ഗനിര്ദേശങ്ങള് പാലിക്കേണ്ടതാണെന്നും മന്ത്രി അഭ്യര്ഥിച്ചു.
