തിങ്കളാഴ്ച(ജൂലൈ 26) രാവിലെ പീച്ചി ഡാം റിസർവോയറിൽ ജലവിതാനം 76.44 മീറ്ററിൽ എത്തിയതിനാൽ, ഡാമിന്റെ നാല് ഷട്ടറുകൾ ചൊവ്വാഴ്ച (ജൂലൈ 27) രാവിലെ പത്ത് മണിക്ക് രണ്ട് ഇഞ്ച് വീതം തുറക്കാനിടയുണ്ടെന്നും പുഴയോരത്ത് താമസിക്കുന്നവർ ജാഗ്രത പാലിക്കണമെന്നും അസിസ്റ്റന്റ് എക്‌സിക്യൂട്ടീവ് എഞ്ചിനീയർ അറിയിച്ചു. ഡാമിലേക്ക് ഇപ്പോൾ ശക്തമായ നീരൊഴുക്ക് അനുഭവപ്പെടുന്നുണ്ട്. റിസർവോയറിലേക്ക് വരുന്ന ജലവിതാനം കണക്കിലെടുത്ത് ചൊവ്വാഴ്ച രാവിലെ എട്ട് മണിക്ക് അപ്പർ റൂൾ കർവിന്റെ (76.65 മീറ്റർ) ജലവിതാനത്തെ മറികടക്കാൻ സാധ്യതയുള്ളതിനാലാണ് ഷട്ടറുകൾ തുറക്കുക.
