തൃശ്ശൂർ: ആശുപത്രികൾ കേന്ദ്രീകരിച്ച് മോഷണം നടത്തുന്നയാളെ ഈസ്റ്റ് പോലീസ് അറസ്റ്റ് ചെയ്തു. കണ്ണൂർ ഇരിട്ടി പഴഞ്ചേരിമുക്ക് കരിമ്പനക്കൽ രാജേഷാ (29)ണ് അറസ്റ്റിലായത്. തൃശ്ശൂർ ജൂബിലി മിഷൻ ആസ്പത്രിയിൽ മോഷണം നടത്തിയ ഇയാൾ വീണ്ടുമെത്തിയ പ്പോഴാണ് പിടിയിലായത്.
മാള സ്വദേശി അലിയുടെ ഭാര്യ മകന്റെ ശസ്ത്രക്രിയയ്ക്കായി സൂക്ഷിച്ചു വെച്ചിരുന്ന 22,000 രൂപയും രേഖകളും അടങ്ങിയ പേഴ്സാണ് ജൂബിലി മിഷൻ ആശുപത്രിയിൽ നിന്ന് ഇയാൾ മോഷ്ടിച്ചത്. പരാതി ലഭിച്ച പോലീസ് സ്ഥലത്തെ സി.സി.ടി.വി. പരിശോധിച്ച് ആളെ തിരിച്ചറിഞ്ഞ് ഫോട്ടോ സുരക്ഷാ ജീവനക്കാർക്ക് കൈമാറിയിരുന്നു. കഴിഞ്ഞ ദിവസം വീണ്ടും ആശുപത്രിയിലെത്തിയ പ്രതിയെ കണ്ട് സംശയം തോന്നിയ അധികൃതർ ഈസ്റ്റ് പോലീസിൽ വിവരം അറിയിക്കുകയായിരുന്നു. ഭലപ്രയോഗത്തിലൂടെ പ്രതിയെ കസ്റ്റഡിയിലെടുത്തത്.
