കേച്ചേരി: ചൂണ്ടല്‍ പഞ്ചായത്തില്‍ നിര്‍മാണം പൂര്‍ത്തീകരിച്ച കെട്ടിടത്തിന് നമ്പർ ഇട്ട് തെരാം എന്ന് പറഞ്ഞ് പഞ്ചായത്ത് ഉദ്യോഗസ്ഥനു വേണ്ടി 25,000 രൂപ കൈക്കൂലി വാങ്ങിയ പഞ്ചായത്ത് പി.ഡബ്ല്യൂ.ഡി കരാറുകാരനെ തൃശൂര്‍ വിജിലന്‍സ് സ്ക്വാഡ് അറസ്റ്റ് ചെയ്തു. കേച്ചേരി സ്വദേശി കൊടക്കാട്ടില്‍ വീട്ടില്‍ സനല്‍ കെ. സത്യനെയാണ് വിജിലന്‍സ് അറസ്റ്റ് ചെയ്തത്. പ്രതിയില്‍ നിന്ന് 25,000 രൂപയും ഫോണും വിജിലന്‍സ് കസ്റ്റഡിയിൽ എടുത്തു.
ചൊവ്വാഴ്ച വൈകീട്ട് കേച്ചേരി സെന്‍ററിലെ ശങ്കര കോംപ്ലക്സിലാ യിരുന്നു സംഭവം. വടക്കാഞ്ചേരി കല്ലംപാറ സ്വദേശി ഉഉദയകുമാറിന്‍റ പരാതിയിലാണ് അറസ്റ്റ്. ചൂണ്ടല്‍ സെന്‍ററില്‍ ഗുരുവായൂര്‍ റോഡില്‍ നിര്‍മാണം പൂര്‍ത്തീകരിച്ച കെട്ടിടത്തിന് നമ്പർ കിട്ടാന്‍ വേണ്ടി പണം കൈമാറുന്നതിനിടെയാണ് കരാറുകാരനെ വിജിലന്‍സ് പിടികൂടിയത്.
