ഗുരുവായൂർ മണ്ഡല മകര വിളക്ക്, ഗുരുവായൂർ ഏകാദശി ആഘോഷങ്ങളുടെ തിരക്ക് പരിഗണിച്ച് ക്ഷേത്രത്തിൽ 16 മുതൽ ജനുവരി 19 വരെ ദർശന സമയം ഒരു മണിക്കൂർ വർധിപ്പിച്ചു. ഈ ദിവസങ്ങളിൽ ക്ഷേത്രനട വൈകിട്ട് 3.30നു തുറക്കും. നട തുറന്നയുടൻ ശീവേലി എഴുന്നള്ളിപ്പ്.
തുടർന്ന് ദീപാരാധന വരെ തുടർച്ചയായി ദർശനം നടത്താം. ഈ ദിവസങ്ങളിൽ ഉദയാസ്തമയ പൂജ ഉണ്ടായിരിക്കില്ല. ചൊവ്വാഴ്ച ദേവസ്വം വക ഉദയാസ്ത മയ പൂജയുണ്ട്. പിന്നീട് ജനുവരി അവസാന ആഴ്ചയിലാണ് ഉദയാസ്തമയ പൂജ. ഏകാദശി വിളക്ക് തിങ്കളാഴ്ച്‌ച ആരംഭിക്കും..
