നാട്ടിക: വലപ്പാട് കോതകുളത് വാടക വീട്ടിൽ നിന്നും ഒരു കോടിയോളം രൂപ വില വരുന്ന 51 ചാക്ക് നിരോധിത പുകയില ഉൽപന്നം ആയ ഹാൻസ് പിടികൂടി. രണ്ടു പേരെ വലപ്പാട് പോലീസ് അറസ്റ്റ് ചെയ്തു. എടമുട്ടം വലിയകത്ത് ദിലീപ് (49) സഹായി തമിഴ്നാട് സ്വദേശിയെ സെൽവ മണി (29) എന്നിവരെയാണ് പിടികൂടിയത്.
ഓരോ ചാക്കിലും 1500 ഹാൻസ് പാക്കറ്റുകൾ വീധം ഉള്ളതായി പോലീസ് പറഞ്ഞു. കോയമ്പത്തൂരിൽ നിന്നും പച്ചക്കറി കയറ്റി കൊണ്ടു വരുന്ന വാഹനങ്ങൾ രഹസ്യമായാണ് ഇവ കൊണ്ടു വന്നത്. ഹാൻസ് മൊത്ത വിതരണം ചെയ്യുന്ന ശൃംഖലയിലെ പ്രധാന കണ്ണികളാണ് ഇവരെന്ന് പൊലീസ് പറയുന്നു. ഇരുവരും നിരവധി കേസുകളിൽ പ്രതികളാണ്.
