ചാലക്കുടി ആനമല ജംഗ്ഷനിൽ ആംബുലൻസ് കുഴിയിലേക്ക് വീണ് രോഗി മരിച്ചു. മാള കുഴൂർ തുമ്പരശ്ശേരി പടമാടുങ്കൽ ജോൺസൺ (50) ആണ് മരിച്ചത്. ആംബുലൻസിലുണ്ടായ ജോൺസൻ്റെ മകൻ നോബിൾ (19) സാരമായി പരിക്കേറ്റു. ഡ്രൈവർക്കം മൂന്ന് പേർ പരിക്കേൽക്കാതെ രക്ഷപ്പെട്ടുകയാ യിരുന്നു. ഗുരുതരാവസ്ഥയിലായ രോഗിയെ കൊണ്ടുവരുന്ന വഴിയിൽ അടുത് വന്നപ്പോഴാണ് കുഴികാണുന്നത്. ബ്രേക്ക് ചവിട്ടി പരമാവധി വേഗം കുറക്കുവാൻ സാധിച്ചെങ്കിലും ആംബുലൻസ് കുഴിയിൽ വീഴുകയായിരുന്നു. വന്ന വേഗതയിൽ വീണിരുന്നെങ്കിൽ കൂടുതൽ പേർക്ക് പരിക്കേൽക്കുമായിരുന്നു.
ആംബുലൻസ് ഡ്രൈവർ അമലിൻ്റെ ഇടപെടലാണ് വലിയ ദുരന്തം ഒഴിവാക്കിയത്. ആനമല ജംഗ്ഷനിലെ വെള്ളക്കെട്ട് ഒഴിവാക്കുവാൻ നഗരസഭയുടെ അഭ്യർത്ഥന പ്രകാരം പൊതുമരാമത്ത് വകുപ്പ് കാന താഴ്ത്തി നവീകരിക്കുന്ന ജോലികൾക്കായി താഴ്ത്തിയ വലിയ കുഴിയിൽക്കാണ് ആംബുലൻസ് വീണത്.
അപകടത്തെ തുടർന്ന് മറ്റൊരു കാറിൽ രോഗിയെ സെൻ്റ് ജെയിംസ് ആശുപത്രിയിലെത്തിച്ചെങ്കിലും രാവിലെ എട്ടു മണിയോടെ മരണം സംഭവിക്കുകയായിരുന്നു. ഹൃദയാഘാതം വന്നയാളെ മാള ഗുരുധർമ്മം ആശുപത്രിയുടെ ആംബുലൻസിൽ ചാലക്കുടി സെൻ്റ് ജെയിംസ് ആശുപത്രിയിലേക്ക് കൊണ്ടുവരുന്നതിനിടയിലാണ് അപകടം
